الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 موسوعة نكت جبارة تموت من الضحك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمود بسيوني
kab0o0


عدد الرسائل : 463
الاوسمه :
الهوايه :
ناديك المفضل :
المهنة :
دعـــــــــــــــــاء اليوم :
تاريخ التسجيل : 13/07/2007

مُساهمةموضوع: موسوعة نكت جبارة تموت من الضحك   السبت مايو 03, 2008 6:06 pm

نا جايبلكو شوية نكت حلوة بس يارب تعجبكم بس ياريت الردود عشان فى كتييييير

مرة واحد احول امة ماتت الدموع نزلت في ودنة

واحد خنفس راح عند بتاع التلج بيقولة عندك تلج قالة ايوة
قالة ساقع

مره واحد حرامي اتجوز واحده حرامية خلفوا ولد فتحوا ايده لقوا ساعة الدكتور

مره واحد كسول أوى ، هيتنفز فيه حكم بالاعدام بدفنه حى ، فبيسألوه : "نفسك فى إيه قبل ما تموت ؟ "
قالهم :نفسى أشرب "، قالوله :"الميه قدامك اهه ، قوم اشرب "، قال "و أنا لسه هاأقوم ، اردم يا عم اردم

مره واحد بيقول لصاحبه تعرف ليه الديك ده عنده زكام قله ليه قله اصله متجوز فرخه مجمده

واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش


مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟
.قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟
قال له لأ... فنزل الراجل وقال له : امال عايز ايه؟. قاله عايز بلونتين


بيقوللك واحد صعيدي اشتري كوتش أديداس ...لقاه تلات شرط...قام حطه عالشاحن.............!!!


فى مسابقة بين ثلاثة أشخاص ,المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا
الأميرة ... اول واحد غرق فى البحر ، ثانى واحد عدا البحر لكن وقع من فوق الجبل...
أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا

واحد راح محل للهدايا علشان يشتري هدية..عجبته هدية معينة..سأل البائعة قال بكام ديه؟
قالت ب1000 جنيه..قال لا غالية..ممكن تخليها ب500 و اديكي موبايلي ؟؟ قالت موافقة
قالها طيب هاتي الهدية و خدي ال500 جنيه اهم..قالت فين الموبايل..قالها 0126210673


مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى بره لقى الناس
بتحفر لخط المترو فقال لهم الهمه يارجاله هى سوده وفيها سوسته



واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ...بسرعة رد عليه شاب منهم احنا الكاميرا الخفية لو مش عايز تذيع قول ما تذيعشى ...
رد بلديتنا لأ ذيع خللى الناس تنبسط

شوية نكت تانى


واحدة ست عندها ولدين، واحد اسمه مخ و واحد اسمه معرفش. فى يوم معرفش راح المدرسة و مخ راح يشترى لحمة... المعلم فى الفصل بيقول لمعرفش: اسمك ايه؟ قالوا معرفش،, فقالوا: يا ابنى ربنا يهديك اسمك ايه؟ رد و قالوا معرفش. فلمعلم راح لولدتو و قالها اسم ابنك ايه فقالتلوا معرفش فقالها هو انتوا معندكوش مخ؟ فقالتلوا راح يجيب لحمة


دول بقى شوية نكت عن الاغبية

مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه



واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد



مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!



واحد واقف امام محل عصير ومعهوش غير 25قرش قال اشرب عصير ولا اركب الاوتوبيس لو ركبت الاوتوبيس يا هقف يا هقعد، لو وقفت مش مشكله لو قعدت هقعد جنب راجل او ست، لو ,راجل مش مشكله لوست يا هتبقي حلوه او وحشه، لو وحشه مش مشكله لوحلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعو عيني، وعلي ايه مشرب عصير احسن.

واحد حرامى والتانى ندل فالندل بيقول للحرامى علمنى السرقة فسرق محفظة واحد وقالوا اهوة علمنى انت باة الندالة، راح جه مسكوا وقال حرامى



مرة واحد أحول عنده حمامة حولة حب يدخلها القفص حطها برة القفص جت هى تهرب راحت داخلة جوة القفص



مره واحد غبي راح السنيما هو ومراته اول ما النور طفا قال لها جومى يا واليه شكلهم هيناموا


واحد باشا الزمن دار عليه وافتقر حب يشتغل اشتغل بتاع فجل وجرجير
وقف فى السوق وهو لابس الطربوش وبيقول فجل يا حوش جرجير يا كلاب



فى يوم المراة العالمى اجتمع 3 ستات واحدة امريكية والتانية فرنسية والتالتة صعيدية
, قالوا لازم نحبب رجالتنا فينا ونعرفهم قيمتنا فاتفقوا محدش فيهم هيقوم بواجبات البيت لمدة اسبوع ويتقابلوا بعدها يعرفوا النتيجة .
بعد اسبوع ..........
الامريكية : اضربت عن شغل البيت ومشفتش حاجة اول يومين لكن بعد كدة جة صالحنى واتاسفلى .
الفرنسية : اضربت عن شغل البيت ومشفتش حاجة اول يومين لكن بعد كدة جة وجابلى ورد وقالى انا هاعمل كل حاجة .
الصعيدية : اضربت عن شغل البيت ومشفتش حاجة اول يومين لكن بعد كدة ابتديت اشوف بعنيا اليمين شوية بشوية




مره سواق تاكسي قاعد علي السرير مراته دخلت عليه وردت الباب وراها رد وقالها.....افتحي الباب واقفليه تاني




مره طيار معاه مجانين عملين دوشه فقال للمساعد بتاعه روح سكتهم بعد شويه
مسمعلهمش صوت فقال للمساعد عملت فيهم ايه قاله فتحتلهم الباب يلعبوا بره


مره الأسد قال نكتة كل الحيوانات ضحكت إلا الحمار جيه تاني يوم لقوه بيضحك سألوه بتضحك ليه قال لهم أصلي فهمت النكت


طب ودية
كلب جاله ذبحة صدرية ليييييه؟؟؟ بيهوهوا على واحد أطرش

النكته الاخيرة والشيديدة
مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bsuny.great-forum.com
ابو الحجاج
عضو نشيط
عضو نشيط


عدد الرسائل : 34
العمر : 21
دولــــتك :
الهوايه :
دعـــــــــــــــــاء اليوم :
تاريخ التسجيل : 23/09/2007

مُساهمةموضوع: رد: موسوعة نكت جبارة تموت من الضحك   الخميس يناير 22, 2009 3:07 am

هههههههههههههههههههههههههههههههه جميليييييييين أوييييييي
جامدييييييييييييييييييييين


ياحبيبي
فيري فني __(( بالانجليزي مضحك جدا))
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.msmd.ahlamontada.com
blackdragon
عضو جديد
عضو جديد


عدد الرسائل : 4
دولــــتك :
الجنس :
الهوايه :
ناديك المفضل :
المهنة :
دعـــــــــــــــــاء اليوم :
تاريخ التسجيل : 01/04/2011

مُساهمةموضوع: رد: موسوعة نكت جبارة تموت من الضحك   الجمعة أبريل 01, 2011 5:55 am

ههههههههههههه نكت حلوه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
موسوعة نكت جبارة تموت من الضحك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 
 :: قسم التسليه والترفيه
-
انتقل الى: